धागा: शरीर सुन्न झालंय

।। श्री ।।

शरीर सुन्न झालंय

अरे आओ ना , म्हणणारी ती आज भेटली मला तिच्या बद्दल जाणून घ्यायची इच्छा खूप होती मनात पण ती व्यक्त होईल का याची , जरा मला शाश्वती नव्हती इतकंच , तिच्या भूतकाळातून ती वतर्माना मध्ये केव्हाच आली होती , पण तिला तिच्या भविष्याची चिंता होती ,तिचा भूतकाळ तिला सलत होता.

आम्ही भेटलो , आणि कुठल्यातरी शांत ठिकाणी जाऊ असं ती म्हणाली , मी म्हटलं ठीक आहे , आम्ही बस मध्ये बसलो , जरा जास्तच गर्दी होती बस मध्ये मी म्हणालो गर्दी आहे खूप , पण ती म्हणाली अरे सवय आहे मला या गर्दीची आणि या वर्दळीची, आम्ही चढलो आणि अचानक एका मुलीला एका व्यक्तींचा चुकून हात लागला, तर ती मुलगी जवळ जवळ त्याला मारायला च गेली , हिने स्मित हास्य देऊन त्या कडे दुर्लक्ष केलं , आणि अचानक हिला देखील जाणून बुजून हात लावला हे तिच्या हि लक्षात आलं आणि माझ्या हि लक्षात आल. पण एवढा हात लावून हि काहीच बोलली नाही .

तिकडच्या इतक्या लोकांमध्ये फक्त मलाच हीचा भूतकाळ माहित होता . आम्ही आता उतरलो आणि एका शांत ठिकाणी जाऊन बसलो , लिपस्टिक सतत लावून तिचे ओठ काळे पडले होते . शरीराच दर्शन देऊन तिचं शरीर आता वेगळंच वाटतं होत . परिस्थिती अभावी तिला हे करायला भाग पडलं होत . पण वेळेतच तिने तिचा मार्ग बदलला होता. आमचं बोलणं चालू होत , पण तिला मी त्या अवस्थेत पाहिल्यामुळे सतत माझ्या डोळ्यासमोर जुनी तीच येत होती . तिची ती शिवरी भाषा आता कोमल शब्दात मला रुचत नव्हती आणि असं तिच्या मनातलं जाणून घेणारा मी हा पहिलाच होतो . मी हि त्या लोका मधलाच होतो . पण मी एक हिचा मित्र होतो .

तो एक सुन्न करणारा अनोळखी स्पर्श
तिला विचारलं मी , मगाशी बस मध्ये तुला तो स्पर्श वेगळा नाही जाणवला का ? मग तू काही बोलली का नाहीस .