धागा: ३० फूट दगडातील भव्य शिव प्रतिमा

।। श्री ।।

३० फूट दगडातील भव्य शिव प्रतिमा

रोज काहीतरी विषय घेऊन लिहायचं, पण आज म्हंटल कि आपण आपल्या छत्रपती शिवाजी महाराज यांच्याविषयी लिहूया , खरं म्हणजे महाराजांवर इतकं लिहिलं आहे खूप लेखकांनी , दुर्गप्रेमींनी त्या लिहिलेल्या अथांग सागरात माझे हे २ छोटे थेंब बाकी काही नाही ,

आज शिवजयंती मी जिथे अगदी पायथ्याशी आम्ही राहतो , गावाचं नाव तळा , आणि गडाचं नाव तळगड अगदी फेब्रुवारी महिन्याची सुरुवात झाली आणि शिवजयंतीचे वारे वाहायला सुरुवात झाली , सकाळी तळगडावर जयंती साजरी झाली , अगदी दिवसभर हाच कार्यक्रम डोळे दिपवून टाकणारा कार्यक्रम

तळागडाचा इतिहास असा आहे , इ.स. १६४८ मध्ये शिवाजी महाराजांनी तळागड आदिलशहाकडून जिंकून घेतला. इ.स. १६५९ मध्ये अफजलखानाच्या स्वारीच्या वेळी सिद्दीने तळागडाला वेढा घातला होता. पण अफजलखानाच्या पराभवाची बातमी मिळाल्यावर सिद्दीने वेढा उठवला. पुरंदरच्या तहामध्ये महाराजांनी १२ किल्ले स्वतःकडे ठेवले. त्यामध्ये तळगड हा एक होता. यावरूनच या किल्ल्याचे महत्त्व आपणास समजते. शिवाजी महाराजांच्या निधनानंतर हा किल्ला सिद्दीकडे गेला. इ.स. १७३५ मध्ये पहील्या बाजीराव पेशव्यांनी हा किल्ला जिंकून घेतला.

.... आणि आजचा एक वेगळा प्रयोग

आज गो.म.वेदक विद्यामंदिर येथे जवळ जवळ ३ ब्रास खडी मधून ३० फूट महाराजांची प्रतिमा साकारली , यामध्ये श्री.विनोद कोलवणकर सर( चित्रकला शिक्षक ) , श्री.सुहास वावेकर सर ( मराठी शिक्षक ) तसेच शाळेचे आजी माजी विद्यार्थी आकाश शिंदे , कैलास सातांबेकर , योगेश सुतार ,ओमकार कजबजे ,अंजिक्य मुळे, कौस्तुभ मेकडे,राज शिंदे यांनी हि शिवप्रतिमा साकार करण्यात मोलाची कामगिरी केली गेले ३ दिवस याची तयारी चालू होती.